حكمة اب تأليف سامى عبده

حكمة اب تأليف سامى عبده

حكايه وهحكيهالك وياريت تسمعها منى
احسن ترجع وتندم وتقول كان غصب عنى
امشى فى طريقك عدل يحتار عدوك فيك 
 إياك فى يوم تتعوج أحس هتبكى عنيك

زمان ومخبى ليك كل التجارب والعبر
سيبك من الكدابين والغشاشين وإلى هبر
أرضى هتعيش سعيد واحمده على قسمته
 يكفيك انك شريف فى الصغر وفى الكبر

اوعاك تقول دى هيصه ولا حد عارف حاجه
اوعاك تخطف وتجرى وتعيش زى الديابه
خليك أصيل عفيف ولاتيجى على الضعيف
ربك شايف وعارف  ودارى بالخبايه

امشى فى طريق الخير لو حتى طول حياتك
وبلاش تستنى حاجه من حد هيديهالك
اعمل من غير حساب وحاجى على الاحباب
 وسيرتك هتعيش سنين صدقنى بعد مماتك

وحكاية وهحكيهالك تحياتى (سامى عبده )