بقلمى يوسف ونيس مجلع --- ايطاليا بريشيا
اصدقائى الاحباء من الشعر الغنائى كلمة بالعامية بعنوان --- بحر الافكار
سنين فى حبك بقاسى---------- ويلى فى بحر الافكار
لا لاقى لقلبك مراسى ------- ولا ليلى طالع له نهار
الفكر عاصف براسى ------- ودليلى فى هواك محتار
ازاى ممكن تكون قاسى ---------- هو فى ملاك غدار
--------------------------------------------------------
تملك روحى واحساسى ------- ترميهم فى هلاك النار
انا جفيت الود بناسى ---------- واخترتك حياة و دار
مليت بالشهد كاسى --------------- صدك خلاه مرار
هديت جبال رواسى ------------- و قلبك جفاه اسوار
-------------------------------------------------------
قلبى فى ذلى يقاسى ----------- وبرضه لظلمك غفار
يفضل فى عقلى يواسىي -------- يقول له حظك جار
والاقيه لظلمى ناسى ----------- همه يخلقلك اعذار
غلطنى وكذب احساسى ------ ونصفك وظلم الاقدار
-------------------------------------------------------
ظن الصبر انه ميراثى --------- فى مرارة الانتظار
و جن جنون حماسى ------------ فى كتابة الاشعار
شبت نار فى حواسى -------- بنصيب غلب واختار
وغاب نبضى مع انفاسى ------- بغيابك عن الانظار
بقلمى يوسف ونيس مجلع --- مصر
ليست هناك تعليقات:
إرسال تعليق