خمسة سياحة..
مرر حياتي أكتر وأكتر.. م أنت شايفني أنا فيك بفكر..!! والله ناقصني أنا ليك أتشكر.. واروح لبعدك وأقوم معطر!!.. علي أيه ده كله؟! قلبي تذله!! وتروي شوكه!! وترمي فله!! يادي البجاحة.. أديني راحة.. وأروح لراحتي خمسة سياحة.. عمال تخبط.. تعدل تظبط.. وتفك ألمي وتقوم مربط!! وتجيب عذابي وتروح مشبط.. ده حب ولا عرض لشقايا..؟! هو أنت ضدي ولا معايا..؟! وليه تخللي حكايتنا فرجة.. وحاجة عجيبة وأغرب حكاية..؟! م تيجي ياللا تعملها سيما.. ح تلم ياما يابن اللئيمة.. عشان مقدم رواية هايله.. قصدي رواية فعلاً عظيمة.. فيه ناس ح تضحك.. وناس ح تبكي.. وناس تفرفش.. وناس ح تشكي.. شايفين جنابك في اشتغالة.. عارض تسالي ف أحلي حالة.. كان يوم مهبب يوم م هويتك.. كان يوم عذابي ويخرب بيتك.. أن كان علي حاقول نسيتك.. وف أقرب زبالة أقول رميتك.. بس القضية قلبي يطاوعني..؟!.. وإن شاكيت راح يسمعني..؟! والله أن ما طاوع.. ح اقيم قضية.. والقاضي يحكم له أو لي.. ياقلبي أنساه وبلاش قضايا.. شايفني يعني انا معايا؟!.. طيب ح اقولك واسمع لي.. أيه رايك أعمل قوام جمعية؟!.. ويوم مانقبض نرفع قضية.. مانتش موافق ع الفكرة دي؟! (في بكاء) .. آه ياني يامه..!!!.
خالص تحياتي.
حسن عمران
مرر حياتي أكتر وأكتر.. م أنت شايفني أنا فيك بفكر..!! والله ناقصني أنا ليك أتشكر.. واروح لبعدك وأقوم معطر!!.. علي أيه ده كله؟! قلبي تذله!! وتروي شوكه!! وترمي فله!! يادي البجاحة.. أديني راحة.. وأروح لراحتي خمسة سياحة.. عمال تخبط.. تعدل تظبط.. وتفك ألمي وتقوم مربط!! وتجيب عذابي وتروح مشبط.. ده حب ولا عرض لشقايا..؟! هو أنت ضدي ولا معايا..؟! وليه تخللي حكايتنا فرجة.. وحاجة عجيبة وأغرب حكاية..؟! م تيجي ياللا تعملها سيما.. ح تلم ياما يابن اللئيمة.. عشان مقدم رواية هايله.. قصدي رواية فعلاً عظيمة.. فيه ناس ح تضحك.. وناس ح تبكي.. وناس تفرفش.. وناس ح تشكي.. شايفين جنابك في اشتغالة.. عارض تسالي ف أحلي حالة.. كان يوم مهبب يوم م هويتك.. كان يوم عذابي ويخرب بيتك.. أن كان علي حاقول نسيتك.. وف أقرب زبالة أقول رميتك.. بس القضية قلبي يطاوعني..؟!.. وإن شاكيت راح يسمعني..؟! والله أن ما طاوع.. ح اقيم قضية.. والقاضي يحكم له أو لي.. ياقلبي أنساه وبلاش قضايا.. شايفني يعني انا معايا؟!.. طيب ح اقولك واسمع لي.. أيه رايك أعمل قوام جمعية؟!.. ويوم مانقبض نرفع قضية.. مانتش موافق ع الفكرة دي؟! (في بكاء) .. آه ياني يامه..!!!.
خالص تحياتي.
حسن عمران
ليست هناك تعليقات:
إرسال تعليق