صباح الخير... الشاعر صلاح سليمان

صباح الخير
محناش عجايب في الحياه
احنا بشر
احنا اللي جملنا الحياه.
بحكم القدر
جوانا ساكن الخير مهما
الشيطان اشطر
واللي بطبعه الخير مبينكويش
بالشر
ومدمت مختار اتجاه في الحياه
انت حر
حاسب ضلام الطيش ولعبة
دنيتك
تلاقي نفسك رهن وهم مفتفتك
وفي وسط ناسك تشتكي من
غربتك
تهرب من المر اللي نابك علي
الأمر. ومدمت مختار اتجاه في
الحياه انت حر
أجمل مافي الدنيا نعيشها لبعضينا
تبقالي وابقالك سند في ضعفنا
تبقالي وابقالك ونس في صبرنا
تبقالي وابقالك من الأحزان مفر
ومدمت مختار اتجاه في الحياه
انت حر